Gjithcka rreth bukurise dhe estetikes si edhe keshilla prakt

Kujdesi per lekuren

Lëkura përbëhet nga tri shtresa; Epiderma, Derma dhe Ipoderma shtresa nënlëkurore e emërtuar ndryshe subkutane.

Epiderma: Është shtresa e jashtme e lëkurës (ajo që shihet dhe preket).
Vetë epiderma përbëhet nga 4 shtresa. Llojet e ndryshme të qelizave të
lëkurës formohen në shtresën më të brendëshme të epidermës (shtresa
germinative) dhe dalin në shtresën më të sipërfaqshme (shtresa
korneale). Gjatë këtij procesi, qelizat e gjalla shndërrohen në të
vdekura. Qelizat e vdekura në sipërfaqe bien vazhdimisht duke i lënë
vendin qelizave të reja që vijnë nga poshtë. Shtresa korneale e
epidermës është shtresa e parë mbrojtëse e organizmit.

Derma: Përbën bazën e lekurës. Ajo përmban enë gjaku dhe limfatike,
gjëndra djerse, folikula qimesh, gjëndra sebace dhe mbaresa nervore. Të
gjitha këto lidhen së bashku nga kolagjeni dhe fibrat e elastinës të
cilat i japin lëkurës forcën dhe fleksibilitetin.

Shtresa nënlëkurore (subkutane): Është një shtresë dhjamore që jo
gjithmonë konsiderohet pjesë e lëkurës. Gjithsesi mirqënia e saj ndikon
drejtpersedrejti në mirqënien e dermës dhe të epidermës.



Tipat e lëkurës:

Në përgjithsësi ato janë: normale, e yndyrshme, e thatë dhe e
kombinuar. Ato përcaktohen në vartësi të nivelit të yndyrës dhe
thatësise. Zakonisht tipi i lëkurës varet nga madhësia e poreve.

Lëkura normale: Ka një përbërje të ekuilibruar uji dhe yndyre. Poret janë mesatare.

Lëkura e yndyrshme: Ka një teksturë të trashë. Zakonisht zonat yndyrore
shkëlqejne. Fytyra e yndyrshme rezulton nga ekzistenca e gjëndrave
dhjamore hiperaktive, yndyra shkakton mbajtjen e qelizave të vdekura në
folikujt e qimeve. Poret janë më të mëdha.

Lëkura e thatë: Ka një teksturë të ashpër. Nuk ka zona të ndritshme, në
të kundërt lëkura duket e fjetur. Poret janë zakonisht të vogla sepse
sasia e yndyrës është e pakët. Me kalimin e moshës, lëkura e thatë
është e prirur të krijojë rrudha.

Lëkura e kombinuar: Është një përzierje midis zonave të thata e të
yndyrshme në shkallë të ndryshme. Zakonisht zona T, (balli, hunda dhe
mjekra) janë të yndyrshme, ndërsa mollzat dhe qafa janë të thata.


Pastrimi i fytyrës

Ky trajtim konsiston në mirëmbajtjen e lëkurës së fytyrës, pastrimin e
qelizave të vdekura, heqjen e pikave të zeza, trajtimin e komedonëve,
korigjimin e ovalitetit dhe poreve të zmadhuara, skuqjeve masive,
kompensimin e mungesave të lëkurës sic janë; mungesa e lagështires,
imuniteti i dobet, asfiksia etj. Pastrimi i fytyrës është një trajtim
tradicional, tashmë i kompletuar falë aparaturave dhe produkteve
profesionale që stimulon metabolizmin e lëkurës. Procesi përmban shumë
faza duke filluar nga pastrimi i lëkurës eksfolimi, trajtimi me avull,
ozon, maska, serume, vacuum, lifting, e deri tek produktet finale dhe
zgjat rreth 1 orë 30 minuta, kjo varet nga sasia e pikave të zeza. Ky
trajtim është i përmuajshëm. Këtij trajtimi nuk mund t'i nënshtrohen
gratë shtatzana dhe ato që vuajnë nga sëmundje të zemrës. Gjithashtu
nuk këshillohet edhe gjate ciklit menstrual.



Egzaminimi domosdoshmëri

Vihet re një tendencë e klienteve. Ato janë të prirura të konsumojnë
produkte shumë të kushtueshme, të blera me porosi jashtë shtetit.
Cilësia kushton por në këtë rast mungon sugjerimi i estetistes i cili
është i bazuar në njohuritë dhe eksperiencën e saj. Fytyra kërkon
kujdes dhe ajo nuk mund të trajtohet me produkte të hamendëshme ose të
sugjeruara nga persona inkompetentë. Askush nuk është i aftë të
përcaktojë karakteristikat e lëkurës së fytyrës me sy të lirë, madje as
specialisti, pa ndihmën e skanerit të posacëm i cili plotëson të dhënat
dhe është i pagabueshëm. Këtij egzaminimi i nënshtrohen detyrimisht
klientet që në takimin e parë. Lind nevoja që herë pas here të bëhet ky
egzaminim sepse faktorë te ndryshëm ndikojnë ndjeshëm dhe lëkura e
fytyrës mund të shfaqë probleme të paparashikuara. Nga eksperienca mund
të them se në të gjitha egzaminimet e fytyrave, janë konstatuar dy ose
më shumë cilësi. Me sy të lirë mund të konstatojmë një fytyrë mikse ose
të yndyrshme. Cilësitë e tjera që fsheh lëkura zbulohen me skaner i
cili i paraprin detyrimisht trajtimit. Nëse neglizhojmë këtë fakt,
rrezikojmë të përdorim produkte të papërshtatshme që nuk e ndihmojnë
lëkurën.


Karakteristikat e lëkurës së fytyrës
Karakteristikat përcaktohen nga geni. Ato gjënden të kombinuara në forma të ndryshme si p.sh.


Fytyrë sensibël + e yndyrshme
Fytyrë sensibël + e thatë
Fytyrë kuperoze + e thatë
Fytyrë kuperoze + e yndyrshme
Fytyrë mikse + sensibël
Fytyrë kuperoze + mikse + sensibël
Fytyrë kuperoze + e thatë + sensibël etj



Përshtatja e trajtimit

Në këto raste i paraprihet problemit më delikat duke përdorur produktin
e përshtatshëm të kombinuar. Ndërhyrja është delikate sepse në rast se
lëkura ekspozohet në avull me shumë se sa duhet, pasojat janë të
pakorigjueshme. Gjithashtu edhe trajtimi me produktin e gabuar mund të
stimulojë dehidratimin, yndyrën deri ne superprodhim ose të asfiksojë
lëkurën.



Përjashtimet në trajtim

Këtij trajtimi nuk mund t'i nënshtrohen gratë shtatzana, pavarësisht
nga domosdoshmëria e trajtimit për arsye se avulli dhe jonoforesis
(kontakti me cilindrin metalik), ndikojnë negativisht tek fetusi.
Klientet me probleme kardiake (semundje të zemrës) gjithashtu nuk mund
t'i nënshtrohen këtij trajtimi. Edhe gjatë ciklit menstrual ky trajtim
nuk këshillohet.

Për këto kategori ka zgjidhje të tjera ku nderhyrja bëhet nëpërmjet masazheve, maskave etj.




Faza përgatitore

Pasi jemi siguruar që klientja nuk i përket përjashtimeve, bëjmë
egzaminimin e lëkurës. Karakteristikat regjistrohen në kartelë. Ato
mund të ndryshojnë në vartësi të disa kushteve si agjentët atmosferikë,
ndjeshmëria ndaj dritës, mënyra e të ushqyerit etj. Para trajtimit
këshillohet klientja të heqë bixhutë metalike; unaza, vathë, varse,
byzylyke, piercing etj. Për shkak të aksesorëve të aparatit elektronik
që përdoren gjatë procesit.



Pastrimi

Pastrohet makiazhi i syve, faqeve dhe buzëve me xhelë pastruese.Më pas
lëkura trajtohet me late (qumësht pastrues) dhe përfshin dekoltenë,
supet, qafën dhe fytyrën. Përthithja e produktit shoqërohet me masazh i
cili mëson klienten të relaksohet. Disa minuta më pas operojmë me një
disketë pambuku të lagur me tonikun e përshtatshëm për të larguar
papastërtitë e mbetura në poret e lëkurës. Etapa e pastrimit përmban
edhe eksfolimin e lëkurës me peeling kimik. Në raste të vecanta mund të
ndërhyhet edhe me peeling mekanik (furcë dhe një produkt special).
Produkti penetron me ndihmën e furçës e cila masazhon fytyrën me
rrotullime të ngadalta dhe ndihmon lëkurën të fitojë elasticitet.
Kështu ajo vibron më mirë.

Hapja e poreve realizohet nga ndërhyrja me avull. Distanca e avullit
nga fytyra ka një kriter që ndryshon sipas llojit të lëkurës.
Gjithashtu edhe koha e ekspozimit. Ky trajtim kombinohet me ozon pasi
oksigjeni është kërkesë e domosdoshme për lëkurën.

Trajtimi vijon në vartësi të llojit të lëkurës. Heqja e pikave të zeza
kryhet me ndihmën e një aparati të kompjuterizuar që mundëson daljen e
tyre nëpërmjet vakuumit në tubin prej qelqi, i cili i jep mundësinë
klientes t'i shohë qartë ato. Është e rëndësishme që ky proces të
kryhet pa shkaktuar traume tek klientja (efekt i ndërhyrjeve me duar)
dhe pa e shkëputur atë nga gjëndja e relaksit.


Ndodh që ajo reagon keq kur sheh pikat e zeza në tubin transparent.
Sado e mirëmbajtur të jetë lëkura, prania e pikave të zeza është e
pashmangshme pasi ky proces është fiziologjik dhe i pa paevitueshëm. Në
këtë trajtim nuk mund të përjashtohet procesi lifting që realizohet me
ndihmën e një aksesori prej qelqi, posacërisht për të trajtuar zonën e
rrudhave. Ky instrument funksionon me vacuum dhe bën tërheqjen e
lëkurës në këtë zonë. Në këtë fazë fytyra është plotësisht e pastruar
dhe detyrimisht duhet ndërhyrë me maskat dhe serumet përkatese. Serumi
plotëson hidratimin e lëkurës. Është ushqyes perfekt gjithshtu
tonifikon lëkurën. Ai detyrohet të penetrojë në shtresat e brendëshme
të lëkurës me ndihmën e cilindrit i cili njëkohësisht nxjerr në
sipërfaqe jonet metalike të makiazhit. Ky instrument komandohet në një
limit të caktuar intensiteti. Ndërhyjmë për të kompensuar mungesat e
lëkurës me maskat specifike në vartesi të mungesave. Është i
rëndësishëm përdorimi i HF (frekuencë e lartë). Ky instrument
elektronik rrezaton infra të kuqe dhe ultraviolet në të gjithë zonën e
trajtuar. Shërben për të rregulluar metabolizmin, rrit efektin
absorbues të produkteve dhe përçon temperaturë në të gjitha shtresat e
lëkurës. Ky aksesor sterilizon poret dhe stabilizon frymëmarrjen e
lëkurës. Ka efekte të kënaqshme mbi pucrat të cilat përthahen dhe
zhduken pas disa orësh. Përpara përdorimit të tij duhet të sigurohemi
që produktet e përdorura të mos kenë bazë alkooli.


Produktet finale

Mund të përdorim kremin e syve ose xhelen me efekt të trefishtë (kundër
rrudhave, borsave dhe rrathëve të zinj nën sy). Kremin e ditës ose të
natës, sipas rastit. Nuk këshillohet përdorimi i produkteve ose larja e
fytyrës të paktën për 2 orë pas trajtimit. Ky trajtim kërkon
profesionalizëm sepse produktet kombinohen dhe në një lëkurë shumë të
ndjeshme (reaktive) nuk mund të përdoret çdo lloj produkti.

Si do te jemi tridhjete, dyzet, pesedhjete apo njeqind vjec? Kete e
vendos ADN-ja dhe koha qe kalon. Por ndikojne dhe zgjedhjet tona,
kozmetike.


Flitet shpesh per moshen e vertete dhe per moshen biologjike, por edhe
fytyra e ka nje te tille. Dhe duket se nuk koincidon me ate zyrtare.
Eshte ceshtja e ADN-se, fototipit, ekspozimit ne diell. Por jo vetem
kaq: edhe struktura e fytyres dhe emocionet ndikojne ne strukturen dhe
ne shfaqjen e rrudhave. Dermatologet shpregojne se kush i ka mollezat e
larta do te kete rrudha me pak te thella. Qe shkojne nga hunda tek
cepat e buzeve, por rrudhat rreth syve do te jene me te dukshme.
Fytyrat kendngushte dhe te dobeta i kane faqet me te theksuara, kjo dhe
per arsyen se nuk kane mbeshtetje. Por edhe shprehite me te perdorshme
e shenjojne fytyren ne menyre te ndryshme. E cila, nuk duhet ta
harrojme kurre, na jepet shume fisnikeri. Por meqe jo te gjithe rrudhat
jane me te vertete terheqese, ja nje “guide” e shpejte per te kuptuar
se cfare i ndodh lekures ne faza te ndryshme te jetes dhe mbi te
gjitha, si ta ndihmosh per tu mbrojtur nga instrumentet e duhura.



20-30: Emocione te forta

Rrudhat e para jane ato te lidhura me mimiken e buzeqeshjes, qe
fillojne nga rrenjet dhe mberrijne ne cepat e buzes. Jane linja te
shprehjes, qe i kane dhe adoleshentet, por qe me kalimin e kohes
theksohen. Rreth te tridhjetave, lekura fillon dhe e humbet shkelqimin,
per shkak te trashjes se shtreses indore, reagimi i mbrojtjes nga
rrezet Uv. Gjithashtu shfaqet edhe ndonje kapilar, ne vecanti ne zonen
e hundes dhe tek faqet.

Cfare duhet te perdorni: nje hidratues apo nje krem antirrudhe me filtra diellore: nje krem me fuqi hidtratuese.


30-40: Perqendrimi maksimal

Gjate ketyre viteve linjat e shprehjes, te cilat me pare nuk ishin te
dukshme “ne gjendje pushimi”, behen te perhershme, mbi te gjitha ato
rreth syve. Ne vecanti tek subjektet miope apo tek njerezit, qe jane
ekspozuar shume ne diell. Formohen gjithashtu dhe rrudha ne pjesen e
ballit dhe te ashtuquajturat “rrudha te perqendrimit”, dy linja
vertikale siper vetullave, te shkaktuara nga superaktiviteti i muskujve
te kesaj zone, te cilat kane defektin per ta plakur shume fytyren.


Cfare duhet te perdorni: nje krem antirrudhe me baze retinoli ose
retinoidi, qe rinovon dhe stimulon prodhimin e kolagjenit; nje produkt
specifik per rrudhat e shprehjes me efektin botox-like; nje kontur
sy-buze.



40-50: Momenti kyc


Mes moshes dyzet dhe pesedhjete vjec eshte momenti i ndryshimit. Eshte
periudha ne te cilen renia strukturore perparon me ritme te shpejta.
Lekura, muskujt dhe lidhjet e kyceve dorezohen perpara forces se
gravitetit dhe ulen.

Dhe te njejten gje e bejne nofullat, vetullat, mollezat dhe faqet.
Pas moshes 50 vjece, ne menyre paradoksale situata stabilizohet. Lloji
i plakjes varet edhe nga qendrueshmeria e lekures: ato bien me shpesh,
por kane me pak rrudha, ne ndryshim me c’ndodh me lekurat e holla. Ky
eshte dhe momenti, ne te cilin fotoplakja, te paraqet llogarine. Me
rrudhat “atinike”, shenja te vogla ne nivelin e faqeve, qe jane
simptome e humbjes se elasticitetit dhe njollat e erreta ne duar dhe
dekolte.


Cfare duhet te perdorni: kremra ushqyes per lekura te pjekura, qe kryejne nje efekt lifting; nje kontur




Peeling ne kushte shtepie

(Riperteritja e lekures se trupit)



Sic shoh, trajtimet ne kushte shtepie, kane me shume fansa. Kjo eshte
normale sepse estetiken nuk kane mundesi ta frekuentojne te gjithe. Per
te bere nje trajtim rigjenerues te lekures se trupit, duhet pak vaj
ulliri dhe kripe e ashper ne ngjyre te zeze (si kripa qe perdoret per
turshi).

Pasi lyejme me vaj trupin, me nje sasi te konsiderueshme kripe,
masazhojme me force pjeset qe deshirojme, vecanerisht zonat e
deformuara. Te dyja keto produkte jane organike dhe te pademshme per
lekuren. Kripa ka efekt peelingu. Deperton ne thellesi te lekures dhe
realizon heqjen e qelizave te vdekura.

Ky proces rrit metabolizmin e lekures dhe e stimulon ate te prodhoje qeliza te reja. Gjithashtu eshte efikas per celulitin.



Terapia antimoshe


Terapia antimoshe eshte nje terapi qe trajtohet ne Institutet e
Bukurise. Kjo terapi konsiston ne rinovimin e lekures se fytyres. Me
disa seanca intensive, arrihet te ndryshohet pamja e lekures se
fytyres. Kesaj terapie, i nenshtrohet nje femer qe ndjen se lekura e
saj eshte e stresuar.

Trajtimi behet me nje sere kremrash dhe maskash qe kane aktive te
fuqishem per minimizimin e rrudhave dhe tonifikimin e lekures. Ky
trajtim dhe cdo trajtim tjeter kerkon bashkepunim te klientes me
estetisten sepse nese nuk respekton rregullin e punes, nuk ke
respektuar investimin qe po ben. Nje rast i tille paraqitet aktualisht
tek nje kliente qe ndonse eshte ne trajtim e siper, qendron me ore te
tera para ekranit te televizionit duke pare filma.

Eksperienca te meson se ka dicka qe nuk shkon. Regjimi dhe rregulli, te
ben te kesh paqe me veten dhe te injorosh faktoret qe te lodhin dhe te
mplakin para kohe.