Renia e flokut

Ndihmë për të luftuar rënien e flokëve

Fenomeni fillon në moshën në mes 20 deri 30 vjeçëve. Flokët bëhen më të dobët, bijnë në mënyrë masive dhe nuk dalin më të rinj. Mbi 70 % e burrave vuajnë nga rënia e flokëve. Fajin për këtë e ka kryesisht hormoni seksual mashkullor testosteron.
Një njeri i shëndetshëm ka nga 100 000 deri 130 000 qime flokësh. Floku i njeriut zgjatet me rreth 2 milimetra në javë.




Ushqimi i keq dhe sëmundjet e zgjasin proçesin e rritjes së flokëve.
Çezari mundohej të fshihte flokët e rënë duke vendosur një kurorë përqark kokës.



Shkaqet e rënies së flokëve Flokët rriten për dy deri tre vjet përpara se të bijnë. Rënia e flokëve të vjetër është krejt natyrale. Nga pori prej të cilit ra floku i vjetër zakonisht pas një farë kohe del një qime e re floku. Në një ditë njerëzve mund t´u binë 150 qime flokësh. Ka shkaqe të ndryshme që shkaktojnë rënien e flokëve, si ndonjë sëmundje infektoze, përdorimi i një ilaçi të caktuar etj.



Rënie flokësh e trashëguar Rënia e flokëve mund të shkaktohet edhe nga trashëgimia gjenetike. Hormoni seksual testosteron krijon lidhje me një enzimë të caktuar dhe shndërrohet në një dihidrotestosteron - apo si ç´emërohet ndryshe DHT. Kjo futet nëpërmjet gjakut që riqarkullon në rrënjët e flokëve dhe ngunjohet aty. DHT jo vetëm pengon rritjen e flokëve por edhe ndalon daljen e flokëve të rinj. Me kalimin e kohës, porja mbyllet krejt.


Flokët e trashë zëvendësohen me flokë shumë më të imët, më të shkurtër, dhe të thinjura. Rënia fillon në dy anët e ballit dhe pastaj ndiqet nga krijimi i një tulle në pjesën e prapme të kokës.



Propecia - një mjet kundër rënies së flokëve Propecia bllokon enzimën që lidhet me Testosteronin duke e penguar kështu këtë lidhje. Numri i DHT në lëkurën e kokës pakësohet kështu me dy të tretat. Kjo bën që të ndalojë rënia e flokëve në pjesën më të madhe të burrave , dhe në shumë raste arrijnë rrënjët e flokëve të rigjenerohen dhe të prodhojnë flokë të fuqishëm si më parë.


Megjithëse nuk ka prova, 2% e burrave që marrin tabletën Propecia thonë se ajo i bën impotentë por 90 % e tyre thonë se nuk ndjejnë asnjë lloj ndryshimi në fuqinë e tyre seksuale. Tableta duhet marrë përditë, dhe nëse ndalohet marrja e saj, proçesi i rënies së flokëve nis nga e para.


Propecia nuk funksionon për gratë. Gratë shtatzëna nuk duhet në asnjë mënyrë të marrin apo qoftë edhe të prekin me dorë ato tableta sepse kjo mund të çonte në shpërfytyrimin e foshnjeve që do të lindnin.




Regaine - flokët mund të marrin veten

Regaine është një kurë që vepron kundër rënies së trashëguar të flokëve dhe mund të ndihmojë 4 nga 5 përdorues të mos humbasin më flokë nëse e përdorin këtë kurë që në fazat e para të rënies së flokëve.

Flokët janë të lidhura me aftësinë e njeriut për të qënë i tërheqshëm nga ana shoqërore dhe seksuale. Prandaj rënia e flokëve mund të ndikojë në mënyrën se si njeriu ndjehet. Shumë meshkuj ndjejnë sikur rënia e flokëve i bën më pak të tërheqshëm dhe më pak burra, sidomos nëse kjo rënie fillon që herët.
Zakonisht të gjithë meshkujt në fillim nuk duan ta pranojnë që po u bien flokët. Pastaj i kap paniku kur bëjnë mendime mbi gjërat negative që mund të vinin si pasojë e kësaj rënieje flokësh.
Disa vetë përpiqen ta fshehin pjesët e kokës ku flokët kanë rënë.


Njeriu nuk ka përse të ndjehet keq nga rënia e flokëve pasi kjo është një pjesë e vetë personalitetit të tij.
Megjithatë ka rrugë për të ngadalsuar apo penguar rënien e flokëve.



Regaine është një kurë që vepron kundër rënies së trashëguar të flokëve dhe mund të ndihmojë 4 nga 5 përdorues të mos humbasin më flokë nëse e përdorin këtë kurë që në fazat e para të rënies së flokëve. Në disa raste atyre u shtohen qime të reja flokësh.
Kohët e fundit ka dalur një lloj i ri Regaine - Regaine® Extra Strength - i cili sipas studimeve jep rezultate të dukshme pas 16 javësh ku flokët mund të ndalojnë së rënuri dhe mund të shtojë numrin e qimeve të flokëve me 40 % ose më tepër brenda një periudhe 1 vjeçare kohe.


Regaine jep rezultate vetëm për rastet më poshtë të gjitha së bashku: rastin e rënies së trashëguar të flokëve, kur nuk kanë kaluar akoma 10 vjet që nga fillimi i rënies së flokëve, kur tulla nuk është më e madhe se 10 centimetra, kur njeriu nuk ka sëmundje të tjera.


Regaine ka aftësi të riaktivizojë qelizat e qimeve të flokëve prandaj duhet të përdoret përditë në ato pjesë të kokës ku qimet e flokëve kanë filluar të bëhen më të imta d.m.th. ku qelizat e qimeve kanë filluar të bien në një fazë gjumi.


Gjatë 2 deri 6 javëve të para të kurimit me Regaine mund të ndodhë që të bien më tepër flokë se zakonisht por kjo nuk është gjë për tu shqetsuar pasi qimet e vjetra të flokëve janë duke rënë për t´u lënë vend qimeve të reja. Është me shumë rëndësi që kurimi me Regaine gjatë kësaj faze të vazhdojë pa ndërprerje. Gjithashtu po gjatë kësaj periudhe fillestare mund të ndodhë që lëkura e kokës të acarohet. Ky acarim pushon pas disa ditësh. Nëse shqetësimi vazhdon, duhet të ndërpresësh kurën dhe të këshillohesh me një mjek përpara se të vazhdosh më tutje.


Për të arritur rezultate sa më të mira Regaine duhet përdorur dy herë më ditë tek daljet e flokëve që nuk duhet të jenë të lagura.
Ky kurim duhet kthyer në një zakon, ashtu si larja e dhëmbëve.


Me Regaine njeriu duhet të kurohet tërë jetës, nëse pushon së përdoruri këtë kurë brenda dy tre muajsh do të fillonte përsëri rënia e flokëve.


Për hollësi të mëtejshme shiko:



www.regaine.com