Gjera te Cuditshme

Lepuri me 2 kokë e 6 këmbë
Një lepur me dy kokë e gjashtë
këmbë është një nga kafshët e çuditshme në qytetin e Elbasanit. Një gjë
e tillë është shënuar në familjen Gogunja, e cila ka mbetur e shtangur
kur ka konstatuar lindjen e një lepuri mostër.

Një viç me dy koka
Një
viç me dy kokë ka lindur në fshatin Gjocaj të Peqinit. Viçi kishte dy
kokë të ngjitura në qafë dhe ushqehej me dy gojë, me buzët, nofullat
dhe gjuhët e veçanta. Ai kishte katër sy, dy hundë dhe katër veshë.

Dash me katër brire
çudia
e radhës është shënuar në një fshat të Cërrikut, kur kishte lindur një
qengj me katër brirë. Por çudia nuk mbaron këtu, pasi kohë më pas në
fshatin Gjonme erdhi në jetë një viç, i cili nuk kishte organe
gjenitale.

Pula me katër këmbë
Kjo ka ndodhur në një
fshat të Librazhdit. Këmbët e "tepërta" pula i kishte në pjesën e
sipërme të trupit. Ndërsa një zog me dy koka është çudia tjetër në një
familje që banonte në periferi të Librazhdit.

Një qengj me tri këmbë
Kjo
është çudia që është shënuar në fshatin Sherisht të Vlorës. Qengji i
sapoardhur në jetë ka vështirësi në të ecur, ndërsa nuk mund të vrapojë
për t'u ushqyer si qengjat e tjerë drejt deles që e solli në jetë.

Mushka pjell dy here
Në
zonën e Elbasanit është shënuar edhe një rast tjetër i veçantë, kur një
mushkë ka pjellë dy herë. Një gjë e tillë natyrisht që shpjegohet nga
ana e specialistëve si një prishje të ekuilibrave biologjikë.

Bujqit iu japin lopëve kanabis, pasi prodhojnë më shumë qumësht

RUMANI
– Pesë fshatarë po hetohen në Rumani, pasi policia zbuloi se ata po i
ushqenin lopët e tyre me kanabis sativa. Fshatarët nga Romanesti, në
kontenë Botosani, u thanë zyrtarëve të policisë se bima narkotike bënte
që kafshët të prodhonin më shumë qumësht se zakonisht. Mosha e bujqve
ishte nga 57 deri në 82-vjeç. Justifikimi i tyre kur u përballën me
ligjin për këtë krim ishte se nuk e dinin se po bënin diçka ilegale,
duke e rritur këtë bimë në fushën e tyre. Fshatari me emrin Ion
Astarastoaie thotë: “Ne e rrisim, pasi lopët e pëlqejnë shumë, dhe
lopët e lumtura prodhojnë më shumë qumësht”.

Londër, në një shkollë fliten 71 gjuhë të ndryshme

BRITANI
E MADHE – Në korridoret e një shkolle të mesme në Londër dëgjohen 71
gjuhë të ndryshme. Kjo, pasi nxënësit e kësaj shkolle vijnë nga vende
dhe komunitete të ndryshme të botës. “Southfields Community College” në
Wandsworth është shkolla në Angli kur nxënësit nuk flasin fare
anglisht. Në fillim atyre u është mësuar anglisht në një kurs
fillestarësh, dhe më vonë janë ndarë në klasa të ndara sipas gjuhës që
flasin. Mes gjuhëve të folura janë arabishtja, gjuha kurde, farse (nga
Afganistani), kazake (Kazakistani), gjuha kroate, zulu, suahili (Kenia)
dhe krio (Sierra Leone). Drejtoresha thotë: “Kemi patur një rritje të
numrit të nxënësve, por deri tani asnjë problem racizmi. Këta fëmijë
kanë shumë dëshirë të mësojnë”.


Tajvan, jeton shtatë vjet me nënën e vdekur
Një burrë
55-vjeçar në Tajvan ka jetuar për shtatë vjet me nënën e tij të vdekur.
Duket si temë e një filmi horror, por është një e vërtetë e shëmtuar.
55-vjeçari priste që nëna e tij të ringjallej. Lin Chun-jan, pas shtatë
vjetësh është dorëzuar dhe është bindur se nëna e tij nuk mund të
ngjallej më. Më në fund ka lajmëruar policinë. Kur agjentët kanë hyrë
brenda në shtëpinë e tij, në qytezën Kuijen, nuk u kanë besuar syve.
Duke i hequr të gjithë gjakun nga trupi, Lin kishte mundur të ndalonte
dekompozimin e trupit të nënës së tij, të vdekur qysh në vitin 1999.


20-vjeçarja pi hashash çdo ditë dhe gëzon shëndet të mirë

INDI
– Një indiane pohon se ka jetuar deri në moshën 120-vjeçare, duke pirë
kanabis sativa çdo ditë të jetës së saj. Fulla Nayak ka pirë kanabis
cigare dhe verë të fortë nga degët e palmave në kasollen e saj në Indi.
Ajo jeton me vajzën 92-vjeçare dhe nipin 72-vjeçar. Sipas mediave
britanike, ajo thotë: “Nuk e di se si kam mbijetuar kaq gjatë. Shumë
prej kushërinjve të mi, shumë më të rinj se unë kanë vdekur me kohë”.
Edhe pse supozimi i saj nuk është i vërtetuar nga shkenca, fakti është
se ka qenë çdo ditë të jetës së saj e droguar dhe tani gëzon shëndet të
plotë, nuk është për t’u anashkaluar.

Një park nacional ne Tailanden Veriore shitet ajër i fresket ne
kanace. Ajri është mare ne lartesine 1980 ne malin Doi Phu. Shitjet
kanë arritur sukses. Dhe tashmë gjithë pranaret e lokaleve duan ta
kenë te mall.


Rreth 30 molion burra kineze, me vitin 2020 nuk do të mundin te gjejne femër për tu martuar.
Komisioni i planifikimit familjar ne Kine bën te ditur se nga viti 2005 kanë lindur shumë me tepër djem sesa vajza.

Padit të motrën se macja e saj i kafshoi dorën

SHBA –
Një ish-marins nga Miçigani mori 60 mijë paund kompensim nga e motra e
tij, pasi macja e saj i kafshoi dorën. Michael Sabo, 57-vjeçar, nga
Flushing thotë se dhimbja ishte më e keqe se kur u godit nga plumbi i
një snajperi në Vietnam. Ai sapo kishte marrë copën e mishit gjatë
darkës tek e motra, Jean Toney, kur macja siameze, Randy, e gërvishti
dhe i kafshoi dorën. Avokati i tij, Tom Pabst, tha në gjykatë: “Këto
janë dhëmbët e një foke, ose më mirë të një pitbulli. Kjo është e keqe
dhe e hidhur. Gishtërinjtë e zotit Sabo u enjtën kaq shumë sa dukeshin
si salsiçe. Infeksioni, që e kuroi në spitalin e veteranëve, i kushtoi
10 mijë paund. Kur kompania e sigurimit të së motrës nuk ia pagoi
paratë, ai e çoi çështjen në gjykatë.

Boshnjaku inatoset se askush nuk i shkon në funeralin e sajuar

BOSNJE
– Një boshnjak u shkroi të gjithë miqve dhe familjarëve letra, në të
cilat ankohet se vetëm mamaja i kishte shkuar në funeral. Amir
Vehaboviç, 45-vjeçar, bëri gjoja sikur kishte vdekur për të parë se sa
persona, duke përfshirë dhe miqtë e tij më të mirë, do të merrnin pjesë
në funeral. I fshehur pas shkurreve, në qytetin verior të Gradiskas, ai
pa se si nëna e tij e moshuar shkoi e para, por përveç saj nuk kishte
asnjë tjetër. Në letrat drejt 45 personave të ftuar ai shkruante:
“Pagova shumë para për të organizuar këtë vdekje të rremë dhe
certifikatën, dhe pagova ata që mbajtën arkivolin tim. Mendova se ju,
gjoja miqtë e mi, do të vinit të më nderonit për herë të fundit. Këtë e
bëra që të kuptoj se sa rëndësi kam për ju”.

Qenushi kthehet në shtëpi 7 orë pasi kishte ngordhur

KINË
- Një këlysh i cili kishte “ngordhur” gjatë një aksidenti me makinë,
është zvarritur në shtëpi shtatë orë pasi kishte ngordhur. Qeni
qimedredhur, Dudu, nga qyteti Nanjing, Kinë, u godit nga një kamion
ndërkohë që po shëtiste me të zonjën. “Ishte kaq i gëzuar që kishte
dalë jashtë sa më iku nga litari”, thotë e zonja. “Dudu fluturoi në
ajër dhe përfundoi në buzë të trotuarit. Kur u afruam ai ishte gjakosur
dhe nuk mori më frymë”, shton ajo. Familja e varrosi qenin në oborrin
poshtëë pallatit. Të gjithë u habitën kur qeni priste para derës së
shtëpisë. Për fat të mirë, dheu nuk ishte mjaft i ngjeshur dhe ari
arriti të dalë.

Shkolla padit nxënësen për shkak se vesh çorape me kukulla

SHBA
– Një nxënëse e klasës së shtatë mund të përfundojë në sallën e gjyqit,
për shkak se ka veshur këpucë me personazhin e filmave vizatimorë,
Uini-Puh. Toni Kay Xcot, 14-vjeçare, u dërgua në një program të veçantë
për fëmijët me probleme, për shkak se dhunoi uniformën e shkollës. Në
çorapet e saj ishte personazhi i Tigrit. Përveç tyre ajo kishte
koordinuar edhe fundin dhe bluzën. Rregullat e shkollës janë që ajo të
veshë vetëm veshje në ngjyrën blu, të bardhë, të gjelbër, të verdhë,
kaki, gri, kafe apo të zezë. Xhinset nuk lejohen. Avokati i saj në
sallën e gjyqit argumentoi se rregullat janë shumë kufizuese.