Kuriozitete nga bota e kompjuterit

Filma të dobët lamtumirë . Një kompjuter do të jetë në gjendje të parashikojë suksesin e një filmi para se ky film të xhirohet. Profesori Ramesh Sharda ka shpikur një program për kompjuter që duke konsideruar disa variabla , është në gjendje të llogarisë suksesin e filmit nga një shkallë nga 1 deri në 9.
Variablat e marra nga ana e programit janë konkurrenca nga ana e filmave të tjerë , data e lëshimit të filmit, niveli i kastit të filmit dhe kategoria e filmit të prodhuar. Këto të dhëna vendosen në program dhe në fund të proçesit të llogaritjes jep gjykimin e tij. Shkalla 1 tregon që filmi nuk ja vlen të prodhohet dhe do të jetë një dështim i vërtetë që mund të sjellë një fitim prej 1 milion dollarësh kurse shkalla 9 është një blockbuster që do të ketë fitime më shumë se 200 milion dollarë.
Sharda një ekspert në fushën e informatikës ka punuar rreth këtij programi për rreth 7 vjetësh duke analizuar rreth 800 filma. Rezultatet e studimit tregojnë se 37% të herëve programi ka arritur të parashikojë ekzaktësisht nivelin e një filmi, 75% e herëve ka gabuar me filmat me vetëm një shkallë.

Këtë muaj kompania Kosovare, Fornax Technologies, e bazuar në Prishtinë, e lansoi shërbimin për marketing në internet duke u bërë partnere me MSN të Microsoft. Fornax Technologies dhe MSN tani iu shërbejnë të gjithë përdoruesve Shqiptar të MSN, Hotmail, dhe siteve tjera të lidhura me Passports dhe MSN, me reklama të dedikuara për këtë rajon, dhe për popullin tonë.

Përdoruesit e MSN të cilët e kanë të caktuar shtetin amë si Albania (këtu hyjnë shumë Kosovar të cilët kanë zgjedhur Shqipërinë si shtet amë) do të shohin reklama nga kompanitë turistike të vendit si dhe mbi shërbime të ndryshme nga shumë kompani tjera.

Sipas deklaratave të Fornax, veprimet do të zgjerohen më tej duke e ofruar këtë shërbim me kalimin e kohës një numri më të madh të kompanive Kosovare dhe Shqiptare.

Në vitet e fundit marketingu përmes internetit është rritur në përmasa shumë të mëdha, posaçërisht për sitet sikur MSN, Yahoo!, Google dhe Amazon.

Sipas vlerësimeve, MSN i shërben rreth 420 milion përdorues në tërë botën. Nga këta rreth 277,375 janë të regjistruar nga Shqipëria, 56,000 nga Maqedonia dhe 98,000 nga shteti ish-Yugoslav.

Për më shumë informata mbi reklamimin përmes Fornax dhe MSN, vizitoni lidhjen në burimin e lajmit.

Një kompjuter i ri prej 200 dollarësh i targuar Google? Për momentin janë vetëm zëra, por duket se kolosi i internetit do të nxjerrë në treg një produkt që do të rivolucionojë botën e hardëare.
Takimi është më 10 janar në Las Vegas. Sipas të përditshmes Los Angeles Times, Larry Page, një nga krijuesit e Google, do të prezantojë kompjuterin e ri Google në panairin ‘Consumer Electronics”.
Sipas gazetës Google është në traktativa me Wal-Mart për të shitur kompjuterin e ri.Emri i kompjuterit te ri do të jetë Google Cube. Karakteristikat e këtij produkti ngelen një mister, por duke parë famën e motorrit të kërkimit më të famshëm në botë, do të kemi të bejmë më një kompjuter kompakt, solid dhe fantastik.
Shumë hedhin hipoteza se kompjuteri i ri është një partnership midis Aol dhe Sun Microsystems i cili do të ofrojë mënyra të reja të lidhjes në internet nëpërmjet disa shërbimeve të ofruara nga vetë Google.
Konkurentet që operojnë në fushën e sistemeve operativë, i pari mbi të gjithë Microsoft presin dhe janë të frikësuar.