HOROSKOPI PER MUAJIN GUSHT 2008

Dashi


Karriera:
Reduktojeni angazhimin tuaj në punë në nivelin që kërkohet.
Definitivisht, për momentin puna nuk është në rend të parë për ju.
Sidoqoftë, duhet të keni kujdes në punës, sidomos rreth datës 20 gusht,
sepse mund të bëni gabime të pafalshme. Punoni më shumë me kolegët tuaj
për ta krijuar një atmosferë të favorshme dhe për të përparuar në
karrierë. Në financa do të keni nevojë për disiplinë. Personat e lindur
në dekadën e dytë të kësaj shenje do të kërkojnë edhe një punë tjetër
për ta përmirësuar pozitën e tyre financiare. Suksese në kërkimin tuaj,
sepse do ta keni mbështetjen e yjeve. Dekada e tretë duhet të ruhet nga
konkurrenca në punë – pasi që do të përpiqen që t’ua marrin kompetencat
në punë. Suksesi financiar nuk do të mundojë.
Dashuria: Në këtë aspekt kujdes duhet të kenë vetëm personat e lindur
në dekadën e parë të kësaj shenje – sepse mund të ballafaqohen me
mosmarrëveshje me partnerin. Sidoqoftë, me fjalë të buta mund t’i
zgjidhni të gjitha problemet. Personat e dekadës së dytë dhe të tretë
do ta kenë një muaj të favorshëm përpara, sidomos në periudhën 3 deri
më 17 gusht, mund të përjetojnë ditët e paharruar. Personat e lirë të
kësaj shenje do të kenë raste të mira për ta njoftuar personin e jetës,
mirëpo vetëm atëherë kur nga mendja të heqin një person që i mban peng.



Demi


Karriera:
Gjatë muajit gusht do ta kërkoni qetësinë – sidomos në punë, ngase
tollovia dhe urdhrat janë gjëra që ju stresojnë. Përpiquni të punoni më
shumë në kolektiv dhe të kërkoni mirëkuptim për kërkesat tuaja. Në këtë
mënyrë mund të arrini të krijoni një atmosferë të përshtatshme në punë.
Personat e lindur në dekadën e dytë të kësaj shenje do të jenë përplot
kreativitet, të cilin gjithsesi duhet ta shfrytëzojnë për ta
përmirësuar pozitën e tyre financiare. Personat e lindur në dekadën e
tretë të kësaj shenje do të ndeshen me konkurrencë kolektive.
Megjithatë, yjet ju këshillojnë që t’i shmangeni nga punët e dyshimta
dhe të besoni në aftësitë tuaja dhe me angazhim të arrini të shpalosni
anët tuaja pozitive.
Dashuria: Edhe në dashuri do të kërkoni qetësi dhe nuk do të jeni të
gatshëm të ballafaqoheni me ndonjë kërkesë të paarsyeshme të partnerit,
ose teket e shpeshta që mund t’i ketë. Sidoqoftë, më shumë rëndësi
duhet t’i jepni bisedës dhe në këtë mënyrë të arrini të bëni kompromis
me partnerin. Prej datës 7 deri më 18 gusht është një periudhë e mirë
kur ju mund të arrini paqen me partnerin. Personat e lirë të kësaj
shenje duhet të kenë më shumë durim ngase yjet nuk i mbështesin për një
lidhje serioze. Më shumë fat në këtë drejtim mund të kenë personat e
lindur në dekadën e dytë të kësaj shenje.


Binjakët


Karriera:Personat e lindur në dekadën e parë të kësaj shenje do të kenë
vështirësi të koncentrohen në punë. Mirëpo ata që ndodhen në pushime,
për ta do të jetë çdo gjë në rregull. Binjakët që gjatë këtij muaji do
të jenë të angazhuar me punë, më shumë do të shikojnë përmes dritaret
duke ëndërruar kohë romantike me partnerin. Sidoqoftë, mos i leni anash
angazhimet tuaja, sepse kjo mund të ndikojë keq në karrierën tuaj.
Kujdes të shtuar duhet të keni me financa – ngase mund të jepni më
shumë sesa që keni në realitet.
Personat e lindur në dekadën e dytë dhe të tretë të kësaj shenje do të
kenë shanse të mira që të zhvillojnë aktivitete të reja, e ndoshta edhe
të zhvillojnë ndonjë hobi. Pra, vetëm duhet të përcillni intuitën tuaj
dhe të keni më shumë kurajë. Në anën tjetër duhet të keni kujdes nga
personat të cilët ju premtojnë punë të reja dhe përfitime të “majme”.
Në fund do të kuptoni se më shumë do të keni humbje nga këto punë sesa
fitim.
Dashuria: Romantika është një element shumë i dashur për ju. I
ëndërroni disa gjëra që i keni në zemër – dhe më shumë endje do të
shikonit perëndimin e diellit buzë detit. Megjithatë, mos hezitoni
shumë dhe mos prisni ide nga partneri, por përpiquni që këtë muaj të
kaloni në harmoni dhe lumturi. Personat e lirë të kësaj shenje duhet të
jenë më aktiv, sepse dashuria e jetës mund të ndodhë, vetëm nëse ju e
bëni hapin e parë. Është me rëndësi që gjatë këtij muaji të shoqëroheni
sa më shumë.




Gaforrja


Karriera:
Gjatë këtij muaji do të jeni në top formë për të filluar një karrierë
të madhe. Pra, mos humbisni kohë, por hidhuni në aksion – ngase edhe
pse me partnerin mund të keni vështirësi, në punë mund të përparoni
shumë lehtë. Është kohë e duhur për t’i realizuar synimet tuaja të
kamotshme. Suksesin mund të vëreni që nga data 5 gusht, kur do të
mbusheni përplo vullnet dhe elan për punë, edhe pse herë pas herë keni
nevojë për pak motivim nga jashtë. Sidoqoftë, është koha që t’iu besoni
aftësive tuaja dhe mos të kërkoni mbështetje nga të tjerët për çdo gjë.
Personat të cilët janë në kërkim të ndërrimi të vendit të punës duhet
të jenë të vetëdijshëm se ende nuk ka ardhur momenti i tyre. Suksesin
në këtë drejtim mund ta arrijnë prej datës 7 deri më 12 gusht.
Dashuria: Gjatë këtij muaji do të jeni më shumë të mbyllur në vete.
Lidhja me partnerin nuk do të funksionojë ashtu siç do të dëshironit
dhe madje mund të mendoni se me një partner tjetër do të ishit me të
lumtur. Pa marrë parasysh disa fakte, kjo nuk ka të bëjë shumë me
partnerin tuaj. Problemet qëndrojnë të fakti se ju duhet të jeni më
realist dhe t’i tregoni partnerit se çfarë dëshironi më të vërtetë, dhe
në këtë mënyrë t’i ktheheni jetës normale. Personat e lirë të kësaj
shenje sërish do të mendojnë për një lidhje të kaluar. Megjithatë,
duhet të kenë të qartë se dashuria nuk ruhet por jetohet.


Luani


Karriera:
Në pjesën e parë të këtij muaji do të jeni pak të frenuar në
kreativitet. Pra, është kohë e mirë që t’i përfundoni disa punë të lëna
prapa dhe mos të merreni me projekte të reja. Mund të ndodh që mos t’i
shihni disa gabime të vogla, të cilat më vonë mund të rezultojnë me
pasoja. Kontrollojini faktet, faturat, numrat ka dy herë dhe në këtë
mënyrë mund të kurseni kohën që më vonë mund t’ju kushtojë shumë.
Gradualisht do të gjeni veten edhe pse në fillim mund t’ju duket punë
monotone.
Zhvillimi i koncepteve të reja kërkon kohë më tepër sesa që keni
llogaritur. Personat e lindur në dekadën e dytë ndërkaq, duhet të jenë
të hapur për ide të reja dhe t’i prezantojnë ato publikisht. Duhet të
kenë besim të vetvetja, sidomos kah mesi i muajit, kur edhe mund të
shënojnë suksese të konsiderueshme në karrierë. Megjithatë, duhet të
punojnë me një strategji të qartë dhe afatgjate. Personat e dekadës së
tretë duhet të ruhen nga premtimet, sepse vetëm me angazhim dhe
përkushtim vetjak mund të arrijnë sukses.
Dashuria: Gjatë gjithë muajit mund të ballafaqoheni me përzierje të
jetës private me atë profesionale. Këtë gjë mund të mos e durojë
partneri e madje edhe të vije deri të frustrimet e herë pas hershme. Që
t’i shmangeni kësaj situate përpiquni të reduktoni angazhimin tuaj në
punë, ndërsa pas datës 20 gusht gjërat do të normalizohen. Personat e
lirë të kësaj shenje do të kenë mundësi të shumta argëtimi, por jo edhe
ndonjë lidhje serioze dashurie.






Virgjëresha
Karriera:
Falë mbështetjes së yjeve, gjatë këtij muaji mund t’i përkushtoheni
atyre obligimeve për të cilat edhe keni lindur dhe të dëshmoheni se
kush në të vërtetë jeni. Ky muaj është tejet i favorshëm për biseda,
prezantimin e projekteve dhe realizimin e tyre. Merruni me projekte të
reja dhe afrojuni bashkëpunim njerëzve tuaj të besueshëm. Edhe personat
e lindur në dekadën e dytë të kësaj shenje kanë mundësi të mira
zhvillimi në karrierë, por duhet të jenë më të kujdesshëm në kolektiv,
sepse dikush mund të përpiqet që t’ua vjedh meritat. Personat e lindur
në dekadën e tretë të kësaj shenje do të punojnë me tempin e dikurshëm
– dhe do të përpiqen që të krijojnë një të ardhme më të mirë.
Dashuria: Kjo periudhë do të jetë përplot lumturi në lidhjen tuaj. Do
të ndjeheni sikur çdo gjë keni nën kontroll dhe do të kënaqeni me
mënyrën si funksionon lidhja juaj. Megjithatë, kah fundi i majit duhet
të keni kujdes, sepse mund të kaloni në gjëra melankolike që nuk i
takojnë realitetit. Hiquni mendimeve që mund të sillen në kokën tuaj
dhe bëhuni sa më të sinqertë ndaj partnerit. Personat e lirë të kësaj
shenje do të kenë shumë raste për njoftime të reja – megjithatë merrni
shtruar gjërat, dhe mos nxitoni sikur e keni zakon.

Peshorja


Karriera:
Duke pasur një jetë private relativisht pa probleme, keni mundësi dhe
kapacitet edhe të kryeni punë të mëdha. Fuqia juaj dëshmohet sidomos
kur duhet t’i udhëhiqni të tjerët, gjë që dëshmohet me suksese. Puna do
të jetë gjëja kryesore gjatë këtij muaji, ndërsa një angazhim me orar
do të mund t’ju sjellë mjaft përparim në karrierë. Mirëpo, personat e
lindur në dekadën e dytë të kësaj shenje, krahas suksesit në karrierë
mund të shënojnë edhe përparime financiare, sepse me intuitën e tyre do
të jenë të aftë t’i parashikojnë gjërat. Personat e lindur në dekadën e
tretë do ta kenë po ashtu sinjalin e gjelbër nga yjet. Madje mund të
kenë sukses edhe nëse sprovohen në lojëra të fatit. Megjithatë, prej
datës 17 gusht duhet të ruhen nga spekulimet, sepse mund të gjenden në
pikën zero. Thjesht, duhet të mbajnë disiplinën dhe të punojnë me
kujdes.
Dashuri: Kënaquni me ato që i ofron dashuria. Edhe pse nganjëherë
paraqiten problemet dashurojeni partnerin ashtu çfarë është dhe mos
kërkoni prej tij të ndryshojë. Në këtë mënyrë do të kuptoni se ai ka
shumë ndjenja për ju – dhe do ta përjetoni një periudhë të ngrohtë pa
monotoni. Personat e lirë të kësaj shenje deri më 20 gusht mund të
llogarisin në flirte të shumta. Vendet ideale në këtë kohë për njoftime
të reja, janë pishinat dhe vendet të tjera publike. Sidoqoftë, duhet të
jeni të kujdesshëm gjatë përzgjedhjes, sepse nga ofertat e shumta mund
të mbeteni duarthatë ose të takoni një person që nuk iu përshtatet.


Akrepi


Karriera:Gjatë këtij muaji vështirë do të ballafaqoheni më punë, sidomos ata
persona që kanë lindur në dekadën e parë të kësaj shenje. Mendja do
t’ju qëndroj tek pushimet, sidomos gjatë dy javëve të para të gushtit.
Zgjidhja e duhur për ju është të punoni vetëm ato që kërkohen nga ju
dhe të ruani energjinë për kohën e lirë. Edhe në aspektin financiar
mund të keni probleme, ngase do të shpenzoni më tepër sesa që ju lejon
mundësia. Personat e lindur në dekadën e dytë të kësaj shenje prioritet
të tyre do ta kenë komunikimin. Andaj, provoni të bën biseda të mira me
kolegët ose eprorin tuaj. Po që se i keni gjërat e paqarta, atëherë më
mirë është të pyesni dy herë, sesa të bëni gabime për të cilat mund të
pendoheni më vonë. Personat e lindur në dekadën e tretë duhet ta kenë
të qartë se, gjërat në punë nuk do të funksionojnë ashtu sikur ato në
jetën private. Pra, duhet të kurseni energjinë dhe të prisni kohën e
duhur për t’u hedhur në aksion.
Dashuria: Duhet të mësoheni të shmangeni nga konfliktet e panevojshme
dhe fjalosjet me partnerin. Komunikimi zë vend kryesor te ju gjatë
këtij muaji, prandaj bisedoni shtruar me partnerin, jepni sqarimet e
nevojshme dhe në këtë mënyrë mund t’i ktheheni jetës normale me
partnerin. Personat e lirë të kësaj shenje nuk duhet t’i fshehin
ndjenjat e tyre – duhet të bisedojnë të marrin këshilla, sepse në fund
të këtij muaji do të kenë një takim shumë interesant.


Shigjetari


Karriera:
Gjatë këtij muaji do të hapen perspektiva të reja për ju. Shfrytëzojeni
energjinë që keni për punë. Me angazhimin tuaj, qoftë ai edhe sporadik,
do të merrni mirënjohje që më vonë mund t’ju sjellë edhe ngritje në
pozitë. Përpiquni të bëni edhe ndonjë orë shtesë punë, ndërsa projektet
tuaja prezantoni para kolegëve. Prej datës 20 deri më 29 gusht do të
spikateni në punë. Personat e lindur në dekadën e dytë do të kenë fat
në punë dhe karrierë, sidomos kur bëhet fjalë për punë ekipore.
Sidoqoftë, këta persona duhet të kenë kujdes financiar në periudhën 1
deri më 9 gusht. Personat e lindur në dekadën e tretë të kësaj shenje
mund të ballafaqohen me probleme në punë, të cilat do të vijnë si
rrjedhojë e mosmarrëveshjeve brenda kolektivit. Sigurisht se duhet të
jeni të qetë dhe ta mbani kokën lartë – dhe të përgatiteni që në një të
ardhme të afërt t’i hidhni shigjetat tuaja drejt suksesit.
Dashuria: Në dashuri ju pret një muaj i qetë me partnerin, pa ndryshime
të dukshme. Do të kaloni çaste të këndshme, ndërsa partneri do t’u bëjë
me dije se çfarë vlere keni për të. Pra kënaquni me ato që iu ofron
natyra gjatë këtij muaji. Personat e lirë të kësaj shenje do të jenë në
qendër të vëmendjes, saqë edhe mund të hutohen herë pas here.
Megjithatë, kjo do t’iu mundësojë të mendojnë mirë se kujt do t’ia
falin zemrën e tyre dhe të mos bëjnë gabime të panevojshme.



Bricjapi


Karriera:
Me angazhim, përkushtim dhe disiplinë do të arrini t’i përfundoni
obligimet tuaja në punë – që mund t’ju sjellin sukses të
konsiderueshëm, të cilin edhe e meritoni. Po që se keni ndonjë synim të
qartë përpara, atëherë mos hiqni dorë angazhohuni, sepse do t’i dilni
mbanë. Edhe në aspektin financiar do të mund të përfitoni mjaft, po që
se jeni të përkushtuar. Edhe personat e dekadës së dytë të kësaj shenje
do të jenë mjaft të angazhuar në punë, pasi që janë të vetëdijshëm se
intuita nuk i mashtron kur bëhet fjalë për përfitime financiare.
Personat e lindur në dekadën e tretë ndërkaq, do të jenë të mendimit të
marrin një rrugë krejt tjetër nga kjo e tashmja. Sidoqoftë, duhet të
jenë të gatshëm të bëjnë hapa në atë drejtim, sepse rreziku është pjesë
e suksesit në punë. Në këtë mënyrë mund të shmangen nga monotonia e
tashme.
Dashuria: Në aspektin e dashurisë yjet ju këshillojnë t’i plotësoni ato
që i keni humbur deri më sot. Përpiquni që deri më 23 gusht të lejoni
zemrën t’ju udhëheq dhe jo trurin dhe do të shihni se çfarë momentesh
të këndshme do t’i kaloni me partnerin. Po ashtu kjo periudhë është
fantastike për t’i detajuar planet me partnerin dhe për t’i shqyrtuar
synimet tuaja të ardhshme. Edhe pse herë pas herë bricjapët janë të
prirë të mendojnë negativisht, gjatë këtyre ditëve do të binden në të
kundërtën.

Ujori


Karriera:Kjo është kohë ideale për ujorët të cilët kanë planifikuar të bëjnë
ndryshime në karrierën e tyre, qoftë ndryshimi i punës së tanishme, apo
edhe fillimi i një biznesi krejtësisht të ri. Po ashtu formimi i një
ekzistence të re do të jetë nën ndikim të yjeve të mira. Prandaj, mos
humbisni kohë, hidhuni në aksion dhe kërkoni perspektiva të reja në
jetën tuaj. Personat e lindur në dekadën e dytë të kësaj shenje do të
jenë të detyruar t’i dëshmojnë aftësitë e tyre para eprorëve. Po ashtu
mund të ballafaqohen edhe me disa situata riskante financiare. Personat
e dekadës së tretë do të kenë elan të mjaftueshëm për punë, madje edhe
më shumë se që kërkohet, andaj do të ishte mirë sikur ketë energji të
tepërt të shpenzojnë diku gjetiu dhe jo vetëm në punë.
Dashuria: Gjatë këtij muaji yjet ju propozojnë t’i varrosni problemet e
vjetra që më kurrë të mos dalin në shesh. Do të jeni në gjendje t’i
falni gabimet, sidomos në periudhën 12-19 gusht, kur edhe mund t’i
forconi lidhet me partnerin. Nëse veproni në këtë mënyrë do të shihni
edhe anën e bukur të dashurisë. Pra, tregojeni anën tuaj të mirë tek
partneri dhe kënaquni me ato që jeta ju ofron. Personat e lirë të kësaj
shenje nuk duhet t’i shikojnë fotografitë e të kaluarës por t’i kthehen
jetës së tanishme. Është kohë ideale për ta takuar personin e jetës,
andaj duhet të jeni më aktiv, dhe kujtimet e dikurshme t’i shqyeni ose
t’i fshihni diku, ku nuk mund t’i gjeni lehtë.



Peshqit


Karriera:Qysh në fillim të muajit do të kuptoni se ju mungon energjia për punë,
prandaj nëse nuk i keni shfrytëzuar pushimet verore, është koha e duhur
për të bërë një gjë të tillë. Megjithatë, nëse patjetër duhet të punoni
edhe përkundër faktit se jeni të demotivuar, provoni të bëni punë
konstante dhe do të shihni se mundi juaj do të shpaguhet dhe do të
shpërbleheni me meritë. Personat e lindur në dekadën e dytë gjatë kësaj
periudhe duhet të angazhohen shumë më tepër në mënyrë që t’i arrijnë
qëllimet. Ndërkaq personat e dekadës së tretë kujdes të veçantë duhet
t’i kushtojnë aspektit financiar dhe të mos shpenzojnë pa nevojë. Po
ashtu, që do t’i arrijnë qëllimet e tyre duhet të bashkëpunojnë më
shumë me kolegët e punës
Dashuria: Është periudha kur do të gjendeni në qendër të vëmendjes, dhe
do të keni mbështetjen e plotë të yjeve, andaj shfrytëzojeni këtë
periudhë që t’ia arrini qëllimeve. Mos pritni që dikush tjetër t’i
kryej punët tuaja, mirëpo mundi dhe angazhimi që do ta tregoni në të
gjitha sferat e jetës do t’ju paguhet me sukses. Të lindurit në dekadën
e dytë dhe të tretë, duhet të kenë më shumë vetëbesim- mos i lejoni të
tjerët që t’ju largojnë nga idetë dhe qëllimet tuaja, pasi që keni
mbështetjen e yjeve që t’i realizoni projektet e planifikuara më herët.
Shpreheni dashurinë ndaj partnerit- do të ndiheni më të lumtur, ndërsa
personat e lirë e kanë periudhën ideale për ta njoftuar partnerin e
jetës.

ky horoskopi qenka vetem per demat e tjer jo per mua. pacim horonskop